bezelmek

işlik

1) Bezeg şaýlary bilen timarlanmak, bezeg zatlary arkaly gelşik berilmek.

∙ Ýagty çyralar haly bilen bezelen tamy gündizlige aýlandyrýardy. (B. Kerbabaýew, Aýgytly ädim)

∙ Parahat ýaşamak üçin amatly, oňat bezelen öýjagazda ümsümlik höküm sürýän ýaly bolup görünýär.

∙ Biz gözel bezelen göm-gökje ýolka agajyny gördük.

2) Owadan görnüşe girmek.

∙ Köçäniň iki ýanyndaky suw akýan ýapjagyzlaryň gyralary ýaşyl-gök otlar bilen bezelipdir. (B. Kerbabaýew. Aýgytly ädim)

3) Nagyş salynmak, keşdelenmek.

∙ Tamyň içi başdan-aýak dürli nagyş bilen bezelen. (B. Kerbabaýew, Aýgytly ädim)

◊ petir bezelen ýaly bolmak — seret petir

∙ Üljeler bişen wagtynda, bu ak heýkeller bilen haçlar edil gan ýaly çim-gyzyl nokatlar bilen petir bezelen ýaly bezelýärdiler. (A. P. Çehow, Saýlanan eserler)